மகஸீன் சிறையில் மூன்று கைதிகளின் நிலை கவலைக்கிடம்
- Details
- Parent Category: கட்டுரைகள்
- Category: அகிலன்
- Created: 30 January 2012
- Hits: 3477
செய்தியும் செய்திக் கண்ணோட்டமும்… 10.01.2010
தம்மை விடுவிக்கமாறு கோரி கொழும்பு மத்திய மகஸீன் சிறைச்சாலையில் சாகும் வரையிலான உண்ணாவிரதத்தில் ஈடுபட்டுள்ள தமிழ் அரசியல் கைதிகளில் மூன்றுபேரின் நிலை கவலைக்கிடமாக உள்ளது. இதில் திரைப்படக் கூட்டுத்தாபனத்தின் தமிழ்ப் பணிப்பாளர் தேவதாசனும் ஒருவர். இவர்கள் கவலைக்கிடமான நிலையில் சிறைச்சாலை வைத்தியசாலையில் சேர்க்கப்பட்டுள்ளனர்.
இவர்களுக்கு ஆதரவாக யாழ்சிறைச்சாலையில் உண்ணாவிரதம் மேற்கொண்டு வருவோரில் நான்குபேர் கவலைக்கிடமான நிலையில் யாழ்-போதனா வைத்தியசாலையில் சேர்க்கப்பட்டுள்ளனர். மட்டக்களப்பில் உண்ணாவிரதம் மேற்கொண்டுவரும் கைதிகளுக்கு சிறைச்சாலை அதிகாரிகள் அச்சுறுத்தல் விடுகின்றனர்.
ஓ கெயிட்டியே!…..
- Details
- Parent Category: கட்டுரைகள்
- Category: அகிலன்
- Created: 30 January 2012
- Hits: 3500
செய்தியும் செய்திக் கண்ணோட்டமும் …
இவ்வருடத்திலாவது எம்மை நிம்மதியாக மனிதனாக வாழவிடு என புத்தாண்டை வேண்டுவோம். ஆனால் இப்புத்தாண்டு பிறந்ததிலிருந்து அரைமாதக் கலன்டர் கடதாசியைக் கூட கிழிப்பதற்கிடையில் இயற்கையின் சீற்றம் கெயிட்டியை (ஒரு லடசத்திற்கு மேற்பட்ட மக்களையும் பல பத்தாயிரத்திற்கு மேற்பட்ட கட்டிடங்களையும்) காவு கொண்டுள்ளது. நான்கு லட்சம் மக்களை காயப்படுத்தியுள்ளது.
இவ்வுலகின் அதிகாரத திமிர் கொண்ட ஆளும் சுரண்டும் வர்க்கம் எம்பூமியின் சுற்றுப்புறத்தை மாசுபடுத்தி இயற்கையை அழிப்பது ஒருபுறம். பயங்கரவாதத்தை உற்பத்தி செய்து அதை போர்களாக்கி உலக மக்களை அழிப்பது இன்னொருபுறம். இயற்கை சீற்றம் கொண்டு மழையாய், வெள்ளப்; பெருக்காய், பெருங் காற்றாய், சூறாவளியாய், நிலநடுககமாய், சுனாமியாய், தொற்று நோய்களாய் எம்மானிடத்தை அழிப்பது மற்றொர்புறம். இவவுலகின் மக்கள் அதிகாரச் செருக்கு, இயற்கைச் சீற்றததிற்கும் ஏதிராகப் போராடுகின்றார்கள். போராடியே தீரவும் வேணடு;ம்.
நாளை மறுநாள்…..
- Details
- Parent Category: கட்டுரைகள்
- Category: அகிலன்
- Created: 30 January 2012
- Hits: 3483
செய்தியும் செய்திக் கண்ணோட்டமும் 24/01/2010
நாளை மறுநாள் இலங்கை மக்கள் ஓர் ஜனாதிபதியைத் தேர்வு செய்ய வாக்களிப்பொன்றை நடாத்தவுள்ளார்கள். இருபதுபேர் வரையில் போட்டியிடுகின்றனர். இவர்களில் சரத் – மகிந்தா இருவருமே முன்னணியில் உள்ளார்கள்.
இலங்கையில் ஜனநா(ண)யமான ஜனாதிபதித் தேர்தல் ஒன்றிற்கு மக்கள் வாக்களித்ததாக வரலாறு இல்லை. லஞ்சம் ஊழல் மோசடி தில்லுமுல்லுகளுக்கூடாகவே, ஜே. ஆர். முதல் மகிந்தாவரை வந்துள்ளார்கள். இம்முறைத் தேர்தல்கூட இதற்கு விதிவிலக்கல்ல. நீதியான, சுதந்திரமான தேர்தல் ஒன்றை நடாத்துவதற்கான சூழல் அற்றுப்போயுள்ளது. தான் பதவியில் நீடிப்பதில் பயனில்லை என்கின்றார் தேர்தல் ஆணையாளர். அத்துடன் கடந்த காலங்களைப் போலல்லாது, இத்தேர்தல் தேசிய சர்வதேச ரீதியில் பெரும் பொருளாக்கப்பட்டு, இரு முகாம்களாகியுள்ளது. இருமுகாமிலும் நிற்பவர்கள் கூட மக்கள் விரோத ஜனநாயக விரோத, சர்வாதிகாரப் போக்கிலான ஓர் நாணயத்தின் இருபக்கங்களே.
ஜனவரி 26-ல் நடந்தது ஜனாதிபதித் தேர்தலோ?
- Details
- Parent Category: கட்டுரைகள்
- Category: அகிலன்
- Created: 30 January 2012
- Hits: 3487
செய்தியும் செய்திக் கண்ணோட்டமும் – 31.01.2010
எங்கள் கள்ளன் எங்களுக்கு நல்லவன்தான்” இது ஓர் சிங்களப் பழமொழி. இப்பாங்கில்தான் சிங்கள மக்கள் மகிந்தாவிற்கு வாக்களித்துள்ளார்கள். என தேர்தல் முடிவுகள் வந்தபொழுது பலரை எண்ணவைத்தது.
மகிந்த ராஜபக்ச “யதார்த்தவாதி சிந்தனையாளன்”. தன் கடந்தகால அரச சாதனைகளை மக்கள் முன் வைத்து, தன் பதவிக்காலம் முடிவிற்கு இரண்டு வருடங்களுக்கு முன்பாக தேர்தலை நடாத்தி, தன் குறித்த இலக்கை அடைந்துள்ளார் எனவும், ஜனாதிபதி முதன்மை வேட்பாளர்கள் இருவரும் சமநிலையில் வருவார்கள் சிறுபான்மை இன மக்களின் வாக்குகள் தான் யாராவது ஒருவரை வெல்லவைக்கும் என்ற வியூகமும் நடைமுறைச் சாத்தியமற்றதாக்கி விட்டது. இப்படித்தான் இன்னொரு சாராரும் கணித்தார்கள்.
தேர்தல் ஆணையாளர் குடும்பம்?….
- Details
- Parent Category: கட்டுரைகள்
- Category: அகிலன்
- Created: 30 January 2012
- Hits: 3539
செய்திக் கண்ணோட்டமும்
அலரிமாளிகையில் சிறைக்கைதிகளான தேர்தல் ஆணையாளர் குடும்பம்?
இலங்கை வரலாற்றில் அதிஸ்டமுள்ள ஜனாதிபதி நானே என சுதந்திரதின விழாவில் ஜனாதிபதி கூறியுள்ளார். ஆம் முற்றிலும் உண்மையே!
எதிர்க்கட்சிக்கு அளிக்கப்பட்ட வாக்குகளை குப்பையில் வீசி, தேர்தல் ஆணையாளரையும், மனைவியையும்சிறைக்கைதிகளாக்கி, அவர் சுதந்திரமாக சொன்ன எல்லாவற்றையும் பொய்யாக்கி, நான் இப்போது சொல்வதே மெய்யென சொல்லவைத்த “கணனி மாயாஜால மன்னராகிய” நீங்கள் இலங்கை வரலாற்றில் ஓர் அதிஸ்டசாலியான ஜனாதிபதிதான்.
அவனை கழுத்தில் பிடித்து இழுத்து வாருங்கள்!
- Details
- Parent Category: கட்டுரைகள்
- Category: அகிலன்
- Created: 30 January 2012
- Hits: 3676
செய்தியும் செய்திக் கண்ணோட்டமும் 14.02.2010
இப்படி உரத்த குரலில் “அரசு இயந்திர மிருகம்” ஒன்று கத்திட , அம்மிருகத்துடன் வந்ததுகளும் ஓர் காட்டுவிலங்கை இழுத்துச் செல்லும் பாங்கில் இழுத்துச் சென்றனர்!
முன்னாள் இராணுவத் தளபதி இப்படித்தான் கைது செய்து அடைக்கப்பட்டுள்ளார். பொன்சேகாவை கைது செய்தவர், முன்னர் பொன்சேகாவினால் தண்டனை வழங்கப்பட்ட- தற்போதைய கொழும்பு மாவட்ட இராணுவ கட்டளைத் தளபதி. தேர்தல் தினத்தன்றும் பொன்சேகா தங்கியிருந்த விடுதியை சுற்றி வளைத்த போராட்டத்திற்கும் தலைமை தாங்கியவரும் இவரே!
தேர்தல் திருவிழா ஆரம்பித்து விட்டது!
- Details
- Parent Category: கட்டுரைகள்
- Category: அகிலன்
- Created: 30 January 2012
- Hits: 3509
இலங்கை மக்கள் இன்னொருமுறை வாக்களித்து விட்டால், இன்னொரு ஐந்தாண்டுகள் அரசியல்பற்றி சிந்திக்கத் தேவையில்லை! வாக்கு வாங்கியவர்கள் உங்களின் அரசியல் வாழ்வை கொண்டோடி விடுவார்கள்!
கடந்த அரை நூற்றாண்டுக்கு மேற்பட்ட பாராளுமன்ற அரசியலுக்கு, மக்களும், மக்களுக்கு இவர்களும் இதைத்தான் செய்துள்ளார்கள்!
அரசியல் கட்சிகள் பலவற்றை செய்வதில்லை, நடைமுறைப்படுத்துவதில்லை, என்ற ஏமாற்று நோக்கில் இருந்தே, மக்களை நோக்கி தேர்தல் வாக்குறுதிகளை வைக்கின்றார்கள். ஆனால் நடைமுறைப்படுத்தும் விதத்தில், உத்திகளை, சாகசங்களை கையாண்டு மக்களை மயக்கி, மக்கள் பிரதிநிதிகள் ஆகிவிடுகின்றார்கள். இதுதான் முதலாளித்துவ பாராளுமன்றத்தின் பாசாங்கு அரசியல்!
புலன்பெயர் புலிகளின் வெள்வெருட்டும், கூட்டமைப்பின் தனித்துவமும்!
- Details
- Parent Category: கட்டுரைகள்
- Category: அகிலன்
- Created: 30 January 2012
- Hits: 3585
செய்தியும் செய்திக் கண்ணோட்டமும்-28-02-10
அரசியலிலும், பொதுவாகவும், சிலரது நடவடிக்கைகள் சமூகத்தில் அந்நியப்பட்டவர்களைக் கூட சமூகத்தின் உந்துசக்தியாக்கிவிடும். மக்கள் விரோதியான பொன்சேகாவை மகிந்த அரசு “உலக நாயகன்” ஆக்கியதுபோல், புலம்பெயர் எச்சசொச்ச புலிகளினதும், அதன் புலத்து ஏவல்களதும் நடவடிக்கைகளால், கூட்டமைப்பும், சம்பந்தனும் தமிழ்தேசியத்தின் அடையாளமாக முத்திரை குத்தப்பட்டுள்ளனர்.
கூட்டமைப்பு எதிர்வரும் பாராளுமன்றத் தேர்தலுக்காக செய்ததொரு நல்ல காரியம் 2004-ல் புலிகளால் நியமிக்கப்பட்ட வேட்பாளர்களுக்கு, இத்தேர்தலில் இடம் கொடுக்காதது. தமிழ்மக்கள் போல், கூட்டமைப்பும், புலிகளிடம் பலவற்றை பட்டறிந்துள்ளனரோ? என எண்ணவைக்கின்றது! பட்டறிவோ என்னவோ, கூட்டமைப்பும்- சம்பந்தனும் பலவற்றை பகிர்கின்றனர்.
மகோற்சவமாகியுள்ளது தேர்தல் திருவிழா!
- Details
- Parent Category: கட்டுரைகள்
- Category: அகிலன்
- Created: 30 January 2012
- Hits: 3412
செய்திக் கண்ணோட்டமும் 06.03.2010
மகோற்சவமாகியுள்ளது தேர்தல் திருவிழா!
தனிப்பெரும் தலைவர் முதல் — தனிப்பெரும் தலித்துக்கள் வரை வடம் பிடிக்கின்றனர்! இலங்கையின் பாராளுமன்றத் தேர்தல் ஓர் மகோற்சவமாகியுள்ளது. வடக்கில் அரசியல் கட்சிகள் இதை ஓர் தேர்த்திருவிழா ஆக்கியுள்ளனர். இதற்கு தனிப்பெரும் தலைவரின் பேரன் பொன்னம்பலம் முதல் தலித்துக்களின் “தனிப்பெரும் மகாசபையினர்” வரை வடம் பிடிக்கின்றனர்.
இம்முறைத் தேர்தல் திருவிழாவின்; விசேட அம்சம் “தமிழ்ஈழத்திற்கு” காங்கிரஸின் பொன்னம்பலம் வடம்பிடிப்பதே.! தனித்துவமான தேசம், இறைமை, அதிகாரம், தாயகம், தேசியம், சுயநிர்ணயஉரிமை தந்துநாமே என மந்திர உச்சாடனம் செய்கின்றார். இந்த மந்திர உச்சாடனத்தை விட்டு நேராக தமிழ்ஈழம் என்றால் என்னவோ? இந்;த ஈழத்தினால்தால்தானே, புலிகளும் இல்லாமல் போனவர்கள். இத்தேர்தலிலும் தனக்கும் இந்நிலைதானே, என சுத்தி வளைத்து அப்புக்காத்து அகராதியில் விளக்கம் கொடுக்கினறார்!
பாராளுமன்ற தேர்தல் உற்சவ அழைப்பிதழ்!
- Details
- Parent Category: கட்டுரைகள்
- Category: அகிலன்
- Created: 30 January 2012
- Hits: 3470
செய்திக் கண்ணோட்டமும்! 14.03.10
அன்புடையீர்!
நிகழும் விரோதி வருடம், திருவள்ளுவர் ஆண்டு, பங்குனித் திங்கள் 26-ம் நாள் (8-4-2010) அவிட்ட நட்சத்திரத்துடன் கூடிய பஞ்சமி – மரணயோகத்தில் இலங்கையின் பாராளுமன்றத் தேர்தல் வைபவம் நடைபெறவுள்ளது.
வைபவத்திற்கு இலங்கையின் 18-வயதிற்கு மேற்பட்ட வாக்காளர் பட்டியலில் பதிவுள்ள சகலரும் தங்க்ள் சுற்றம் சூழ, அக்கம் பக்கத்திலுள்ள வாக்குச்சாவடிகளுக்கு வருகை தந்து, வாக்களித்து எம்மை மகிழ்வித்தேகும் வண்ணம் அன்புடன் அழைக்கின்றோம்.
வாக்களிக்கும் சுபநேரம்: காலை 8-மணி முதல், மாலை 5-மணி வரை
